Kosnett reagon për vrasjen në Prizren: Është koha që të propozohet zgjidhje për dhunën në familje

17:50 | 9 Gusht 2019
A. B.

Ambasadori amerikan në Kosovë, Philip Kosnett ka reaguar pas vrasjes tragjike që ndodhi në Prizren.

Në një postim në Twitter, Kosnett ka shkruar se është koha që të propozohen zgjidhje për dhunën në familje.

“Vrasja tragjike në Prizren na përkujton se dhuna në familje kërkon zgjidhje nga shoqëria. Institucionet duhet të ndalojnë trajtimin e kësaj dhune si problem familjar dhe të përmirësojnë parandalimin dhe mbrojtjen. Është koha që palët të propozojnë zgjidhje për të përballur dhunën”, ka shkruar Kosnett.

Armenda Aliu mbeti e vrarë nga 15 plumbat e shtënë nga bashkëshorti i saj.

Ajo u vra të martën, rreth orës 23:00, në rrugën “Hysni Morina” në Prizren nga burri i saj. Ndërsa, sot, shumë familjarë, miq e të tjerë, janë mbledhur në varrezat e Podujevës, për t’i dhënë lamtumirën e fundit, të ndjerës që u vra në Prizren.

Shpërndaje në rrjete sociale

Lajmet më të lexuara

Të ngjashme

Foto lajm